ბოსნიის ჩემპიონატის პირველ ტურში „სარაევოს“ თავდამსხმელმა გიორგი გულიაშვილმა გოლი გაიტანა.
„სლობოდას“ წინააღმდეგ გიორგიმ პირველი ტაიმის კომპენსირებულ მეცხრე წუთზე პენალტით ანგარიში გაათანაბრა. მასპინძლებმა მეორე ნახევარში ორჯერ კიდევ გაიტანეს და 3:1 მოიგეს.
გიორგი გულიაშვილისთვის ეს მეორე გოლია სეზონში, მანამდე კონფერენს ლიგაზე „აქტობეს“ გაუტანა. „სარაევო“ მეორე ტურში 10 აგვისტოს, „სლოგა დობოის“ ესტუმრება.
