პარიზის ოლიმპიადაზე საქართველოს მონაგარი ოთხ მედლამდე გაიზარდა. კრივში (63.5 კგ) ლაშა გურულმა ბრინჯაო მოიპოვა.

ამრიგად, საქართველოს აქტივში ერთი ოქრო, ორი ვერცხლი და ერთი ბრინჯაოა. თუმცა, გუშინდელთან შედარებით მედლების ჩათვლაში საქართველო 4 საფეხურით დაქვეითდა და ამჟამად 27-ე ადგილზეა.

მედლების ჩათვლაში ამერიკა გალიდერდა, რომელსაც 19 ოქრო აქვს, ისევე, როგორც ჩინეთს, მაგრამ აშშ-ს 9 ვერცხლით მეტი აქვს, ვიდრე ჩინელებს, ამიტომ, ლიდერი შეიცვალა. ყველაზე მეტი მედალიც ამერიკელთა აქტივშია - 71.

მთლიანობაში ოქროს მედალი ჯერჯერობით, 43 ქვეყანას აქვს მოპოვებული. 5 აგვისტო მეათე საშეჯიბრო დღეა პარიზის ოლიმპიადაზე და პირველი, როცა საქართველოს წარმომადგენელი არ იასპარეზებს. ქართველები შეჯიბრში 6 აგვისტოდან ჩაერთვებიან, კერძოდ, ბერძნულ-რომაულ ჭიდაობაში.

მედლების ჩათვლა

1. აშშ - 19 ოქრო, 26 ვერცხლი, 26 ბრინჯაო (სულ 71 მედალი)

2. ჩინეთი - 19 ოქრო, 15 ვერცხლი, 11 ბრინჯაო (45)

3. საფრანგეთი - 12 ოქრო, 14 ვერცხლი, 18 ბრინჯაო (44)

4. ავსტრალია - 12 ოქრო, 11 ვერცხლი, 8 ბრინჯაო (31)

5. დიდი ბრიტანეთი - 10 ოქრო, 12 ვერცხლი, 15 ბრინჯაო (37)

6. სამხრეთ კორეა - 10 ოქრო, 7 ვერცხლი, 7 ბრინჯაო (24)

7. იაპონია - 9 ოქრო, 5 ვერცხლი, 10 ბრინჯაო (24)

8. იტალია - 7 ოქრო, 10 ვერცხლი, 5 ბრინჯაო (22)

9. ნიდერლანდები - 6 ოქრო, 5 ვერცხლი, 4 ბრინჯაო (15)

10. გერმანია - 5 ოქრო, 5 ვერცხლი, 2 ბრინჯაო (12)

...27. საქართველო - 1 ოქრო, 2 ვერცხლი, 1 ბრინჯაო (4)

მედლების ჩათვლის რეიტინგი...

საქართველოს დელეგაციას ოქროს მედალი ლაშა ბექაურმა მოუტანა (ძიუდო), ვერცხლი ტატო გრიგალაშვილის და ილია სულამანიძის (ორივე ძიუდო) აქტივშია, ხოლო ბრინჯაოს მედალს ლაშა გურული დაეუფლა (კრივი).