პარიზის ოლიმპიურ თამაშებზე 4 აგვისტოს საქართველოს ერთი წარმომადგენელი ეყოლება.
კრივში, ნახევარფინალურ ბრძოლას გამართავს ლაშა გურული (63.5 კგ). ქართველმა ჯერ მერვედფინალში დამაჯერებლად აჯობა აზერბაიჯანელ მალიკ ჰასანოვს, ხოლო შემდეგ მეოთხედფინალში დაძაბულ ბრძოლაში მოუგო ყაზახ ბაზარბაი ულუ მუხამედსაბირს.
ლაშას ბრინჯაოს მედალი განაღდებული აქვს უარეს შემთხვევაში, მაგრამ ახლა უფრო მაღალი სინჯისთვის იბრძვის, რასაც ფინალში გასვლის შემთხვევაში მოიპოვებს.
გურული ნახევარფინალში კუბელ ერისლანდი ალვარეს ბორხესს შეხვდება. ბრძოლა თბილისის დროით 19:06 საათიდანაა ჩანიშნული.
