პარიზის ოლიმპიადაზე გურამ თუშიშვილმა კარგი სტარტი აიღო. +100 კგ წონით კატეგორიაში ქართველმა ძიუდოისტმა პირველი წრისგან დაისვენა, ხოლო ასპარეზობა მერვედფინალიდან დაიწყო.

თუშიშვილი სენეგალელ მბაგნიკ ნდიაეს შეხვდა, რომელიც ძალიან ადვილად, 47 წამში იპონით დაამარცხა და მეოთხედფინალში გავიდა.

გურამის მომდევნო მეტოქე ლეგენდარული ტედი რინერი იქნება. ფრანგმა მერვედფინალი 6:30 წუთში გაფრთხილებებით მოიგო.

შეგახსენებთ, რომ საქართველოს მონაგარი ოლიმპიადაზე ამ დროისთვის სამი მედალია, სამივე ძიუდოისტების აქტივშია: ლაშა ბექაურმა (90 კგ.) ოქრო, ხოლო ტატო გრიგალაშვილმა (81 კგ.) და ილია სულამანიძემ (100 კგ.) ვერცხლი მოიპოვეს. აქვე გეტყვით, რომ ლაშა გურულის მედალი ჩათვლაში მას შემდეგ აისახება, რაც მისი ხარისხი გაირკვევა.