პარიზის ოლიმპიადაზე ძიუდოში 100 კგ წონით კატეგორიაში ილია სულამანიძე მეოთხედფინალში გავიდა.
ქართველი პირველი წრისგან თავისუფალი იყო, ხოლო მერვედფინალში იტალიელ ჯენარო პირელის შეხვდა, რომელიც ორ წუთსა და 8 წამში იპონით დაამარცხა, შესაბამისად, მომდევნო წრეში გავიდა.
ილია მეოთხედფინალში მოქმედ ოლიმპიურ ჩემპიონს, იაპონელ აარონ ვოლფს შეხვდება, რომელიც ურთულესი მეტოქეა.
შეგახსენებთ, რომ საქართველოს მონაგარი ოლიმპიადაზე ამ დროისთვის თითო ოქრო-ვერცხლის მედალია, რომლებიც შესაბამისად, ლაშა ბექაურმა და ტატო გრიგალაშვილმა მოიპოვეს.
