„ბარსელონას“ თავდამსხმელმა რობერტ ლევანდოვსკიმ ახალ 2024/2025 წლების სეზონში თავის პერსპექტივებზე ისაუბრა.
„დარწმუნებული ვარ, შარშანდელ სეზონზე მეტს გავიტან, რომელიც არც ჩემთვის და არც გუნდისთვის წარმატებული არ იყო. ახლა ახალი შემართებით შევუდგებით საქმეს", - ციტირებს AS ლევანდოვსკის სიტყვებს.
ლევანდოვსკი „ბარსელონაში“ მიუნხენის „ბაიერნიდან“ 2022 წლის ივლისში გადავიდა. სატრანსფერო თანხამ 45 მილიონი ევრო შეადგინა.
გასულ სეზონში პოლონელმა ყველა ტურნირზე 49 მატჩი ჩაატარა, 26 ბურთი გაიტანა და 9 საგოლე გადაცემა შეასრულა.
„ბარსელონამ" პრიმერა დივიზიონის 2023/2024 წლების სეზონში 85 ქულით მეორე ადგილი დაიკავა. ესპანეთის ჩემპიონი მადრიდის „რეალი“ გახდა (95 ქულა).
