საქართველოს 18 წლამდე გოგონათა ნაკრებმა ევროპის ჩემპიონატის C დივიზიონი გამარჯვებით დაასრულა. ტურნირის მე-5 ადგილისთვის მატჩში ლიკა ქაჯაიასა და ირინა მელქაძის გაწვრთნილმა ნაკრებმა მალტა 61:56 (სტატისტიკა) დაამარცხა. ამით, ქართველმა გოგონებმა ტურნირი მე-5 ადგილზე დაასრულეს.

შეგახსენებთ, რომ ჩვენი ნაკრები ჯგუფიდან ვერ გავიდა – დაამარცხა სომხეთი და წააგო აზერბაიჯანთან. გადამწყვეტ შეხვედრაში ქართველები ალბანეთთან დამარცხდნენ და ბრძოლა მე-5 ადგილისთვის გააგრძელეს. პლეი ოფში ვერგასვლის შემდეგ საქართველოს ნაკრებმა მაქსიმალური შედეგი აჩვენა.

ჩვენს ნაკრებს სალომე სვანმა ულიდერა 16 ქულით, 10 მოხსნითა და 6 ჩაჭრით. 14 ქულა ნიცა საბადაშვილის ანგარიშზე დაგროვდა, 8 ქულა და 5 მოხსნა ანა გელაშვილის ანგარიშზეა.

GBF.GE