პარიზის ოლიმპიადას ვაჟა მარგველაშვილი პირველივე შეხვედრაში დაემშვიდობა. ქართველი ძიუდოისტი ასპარეზობაში მერვედფინალიდან ჩაერთო, სადაც მარცხი განიცადა.

66 კგ წონით კატეგორიაში მარგველაშვილი ფრანგ ვალიდ ხიარს შეხვდა და წინააღმდეგობა ვერ გაუწია. მასპინძელი აშკარად უკეთესი იყო და ორი ვაზარით, შესაბამისად, იპონით გაიმარჯვა.

ამრიგად, მარგველაშვილი, რომელიც ტოკიოს ოლიმპიადაზე ვერცხლის მედალს დაეუფლა, ამჯერად უმედლოდ დარჩა და ასპარეზობას გამოეთიშა.

საქართველოს ძიუდოისტთა ნაკრები, ისევე, როგორც ოლიმპიური ნაკრები, პარიზში ისევ უმედლოდაა.