ჩემპიონთა ლიგის პირველი საკვალიფიკაციო ეტაპის მატჩები გაიმართა. მომდევნო ეტაპზე გავიდა ბრატისლავის „სლოვანი“, რომელმაც „სტრუგას“ მეორე მატჩიც მოუგო (2:1), ორი შეხვედრის ჯამში 6:3 აჯობა და მეორე წრეშია. გურამ კაშიამ რასაკვირველია, ითამაშა.

ლაშა ოდიშარიას რფს-მა გასვლაზე „ლარნე“ 4:0 გაანადგურა. ქართველმა მე-60 წუთიდან ითამაშა. ლატვიელებმა ორი მატჩის ჯამში 7:0 მოიგეს.

ბოსნიურმა „ბორაც ბანია ლუკამ“ პენალტების სერიაში აჯობა ალბანეთის ჩემპიონ „ეგნატიას“, ხოლო მოლდოვურმა „პეტროკუბმა“ ყაზახეთის ჩემპიონი „ორდაბასი“ გააგდო, რომელსაც ორი მატჩის ჯამში 1:0 აჯობა. მომდევნო ეტაპზეა ფარერების „კლაკსვიკიც“, რომელიც უგოლოდ დაუზავდა „დიფერდანჟს“ და შინ მოგებული ჰქონდა.

ჩემპიონთა ლიგის მეორე საკვალიფიკაციო ეტაპის წყვილები ასეთია:

„ლუდოგორეცი“ (ბულგარეთი) – „დინამო მინსკი“ (ბელარუსი)

„აპოელი“ (კვიპროსი) – „პეტროკუბი“ (მოლდოვა)

„ფერენცვაროში“ (უნგრეთი) – „ნიუ საინტსი“ (უელსი)

„პაოკი“ (საბერძნეთი) – „ბორაცი“ (ბოსნია)

„ბოდო გლიმტი“ (ნორვეგია) - რფს (ლატვია)

„მალმიო“ (შვედეთი) – „კლაკსვიკი“ (ფარერები)

„შემროკ როვერსი“ (ირლანდია) – „სპარტა“ (ჩეხეთი)

„სანტა კოლომა“ (ანდორა) – „მიდტიულანდი“ (დანია)

„ცელიე“ (სლოვენია) – „სლოვანი“ (სლოვაკეთი)

„პანევეჟისი“ (ლიეტუვა) – „იაგელონია“ (პოლონეთი)

„ლინკოლნი“ (გიბრალტარი) – „ყარაბაღი“ (აზერბაიჯანი)

„სტიაუა“ (რუმინეთი) – „მაკაბი თელ ავივი“ (ისრაელი)

„ლუგანო“ (შვეიცარია) – „ფენერბაჰჩე“ (თურქეთ)

„დინამო კიევი“ (უკრაინა) – „პარტიზანი“ (სერბეთი)

ჩემპიონთა ლიგის მეორე საკვალიფიკაციო ეტაპის მატჩებ 23-24 და 30-31 ივლისს გაიმართება.