ფეხბურთის ასოციაციას ინგლისის ნაკრებში გარეთ საუთგეიტის შეცვლა მოუწევს, რომელმაც გადადგომის შესახებ განაცხადა.

ბრიტანულ მედიაში უკვე დაწერეს იმ ვარიანტებზე, რითაც შეიძლება ინგლისელი სპეციალისტი შეიცვალოს.

ინგლისის ნაკრებს დაუკავშირეს ედი ჰაუ, მაურისიო პოჩეტინო, გრემ პოტერი, თომას ტუხელი და ასევე ინგლისის 21-წლამდე ნაკრების თავკაცი, ლი კარსლი. ჯერჯერობით, ცხადია გადაწყვეტილება მიღებული არ არის.

გარეთ საუთგეიტი ინგლისის ნაკრებში 2016 წლიდან მუშაობდა. მისი ხელმძღვანელობით „სამი ლომი“ ოთხი დიდი ტურნირიდან ორჯერ ფინალში გავიდა (ევრო 2020 და ევრო 2024), 2018 წელს, მსოფლიოს ჩემპიონატზე მეოთხე ადგილი დაიკავა, ხოლო ბოლო მუნდიალს მეოთხედფინალში გამოეთიშა.