ინგლისის ნაკრების ნახევარმცველმა დეკლან რაისმა თავისი გუნდის განწყობაზე ისაუბრა ესპანეთთან ევრო 2024-ის ფინალურ მატჩის წინ. თამაში ხვალ, 14 ივლისს ბერლინში გაიმართება და თბილისის დროით 23 საათზე დაიწყება.

„პირველ ორ თამაშში თავს უფრო დაღლილად ვგრძნობდი, ვიდრე ახლა. ადრენალინი მატულობს თამაშების სიჩქარის მატებასთან ერთად. თქვენ იღებთ დამატებით ენერგიას, დამატებით ცეცხლს.

კვირას ყველა აგურის კედლებს გავრღვევთ, ყველაფერს გავაკეთებთ ამ თამაშის მოსაგებად. იქნება ეს 90 თუ 120 წუთი, ეს არის ყველაფერი, რაც შეგვიძლია ვთხოვოთ ერთმანეთს“, - ციტირებს რაისის სიტყვებს The Guardian.

ევრო 2024-ის ნახევარფინალში ინგლისელებმა ნიდერლანდებს 2:1 მოუგეს. თავის მხრივ, ესპანეთის ნაკრებმა ანალოგიური ანგარიშით დაამარცხა საფრანგეთი.