თურქეთის ნაკრების მცველს, მერიჰ დემირალს სავარაუდოდ ორმატჩიანი დისკვალიფიკაციით დასჯიან.
დემირალმა ავსტრიის ნაკრებთან მერვედფინალურ შეხვედრაში დუბლი შეასრულა და თანაგუნდელებს მეოთხედფინალისკენ გაუძღვა, რომელშიც დიდი ალბათობით, თვითონ ვერ ითამაშებს.
დემირალმა გამარჯვება მგლის მისალმებით აღნიშნა, ეს ავსტრიელების გასაღიზიანებლად გაკეთებული ჟესტი იყო და ზოგადად, თურქულ ულტრამემარჯვენე ნაციონალისტურ მოძრაობასთან იდენტიფიცირებული ჟესტია.
შედეგად, მერიჰი მეოთხედფინალში ნიდერლანდებთან მოედანზე ვერ გავა და არაა გამორიცხული, ნახევარფინალიც გამოტოვს, თუ თურქეთის ნაკრები იქ თამაშის უფლებას მოიპოვებს.
