ნიდერლანდების ნაკრების მთავარმა მწვრთნელმა რონალდ კუმანმა რუმინეთის ეროვნულ გუნდთან ევრო 2024-ის მერვედფინალური მატჩის წინ ჟურნალისტებს აზრი გაუზიარა.

„ველოდები, რომ რუმინელები ძალიან აგრესიულად ითამაშებენ. ისინი ფიზიკურად ძლიერები არიან, რაც მათ უპირატესობას ანიჭებს დაცვაში და ძალიან სახიფათოდ ასრულებენ სტანდარტულებს“ - ციტირებს კუმანის სიტყვებს უეფას ოფიციალური საიტი.

შეგახსენებთ, რომ ნიდერლანდებისა და რუმინეთის მატჩი დღეს, 2 ივლისს გაიმართება. მიუნხენის „ალიანს არენაზე“ და თბილისის დროით 20 საათზე დაიწყება.