პოლონეთის საფეხბურთო ასოციაციის პრეზიდენტმა, ცეზარი კულეშამ სრული მხარდაჭერა გამოუცხადა ეროვნული ნაკრების მთავარ მწვრთნელს, მიხალ პრობეჟს და სპეციალისტი თავის პოსტზე გააგრძელებს მუშაობას. ამის შესახებ პოლონეთის საფეხბურთო ასოციაციის პრესსამსახური სოციალურ ქსელ X-ზე (ყოფილი ტვიტერი) იტყობინება.

შეგახსენებთ, რომ პოლონეთის ნაკრები გახდა პირველი გუნდი, რომელმაც ევრო 2024-ის ჯგუფიდან გასვლის შანსი დაკარგა. ორი თამაშის შემდეგ პოლონელები უქულოდ დარჩნენ. ბოლო ტურში პოლონეთის ნაკრები საფრანგეთს შეხვდება. თუმცა, გამარჯვების შემთხვევაშიც კი ავსტრიელებს ვერ დაეწევიან, რადგან მათთან 21 ივნისს პირად შეხვედრაში 1:3 დამარცხდნენ.