20-21 ივნისის ღამეს არგენტინის ნაკრები 2024 წლის კოპა ამერიკის გახსნის მატჩში, ატლანტაში, კანადის ეროვნულ გუნდს შეხვდა და 2:0 დაამარცხა.

49-ე წუთზე „მანჩესტერ სიტის“ ფორვარდმა ხულიან ალვარესმა გახსნა ანგარიში. 89-ზე კი „ინტერის“ ლაუტარო მარტინესმა ლიონელ მესის პასით გაზარდა გუნდის უპირატესობა.

ასევე არგენტინისა და კანადის ჯგუფში არიან პერუსა და ჩილეს ნაკრებები. კოპა ამერიკა 21 ივნისიდან 15 ივლისამდე გაგრძელდება. 16 გუნდი დაყოფილია ოთხ ჯგუფად.

ტურნირის მოქმედი გამარჯვებული არგენტინის ნაკრებია.