იტალიის ნაკრების თავდამსხმელმა ფედერიკო კიეზამ 2024 წლის ევროპის ჩემპიონატის ჯგუფური ეტაპის პირველ ტურში ალბანეთთან გამარჯვებაზე ისაუბრა (2:1).

„კმაყოფილი ვარ ჩვენი თამაშით. ალბანეთი ძალიან სახიფათო მეტოქე გამოდგა, ჰქონდათ მონდომება და ხარისხი. მომავალში თამაში, როგორც კი გვექნება ასეთი შესაძლებლობა, უნდა მალევე დავასრულოთ - თორემ ყოველთვის რისკის ქვეშ ვართ, როგორც ეს ბოლო წუთებში იყო“, - ციტირებს უეფას პრესსამსახურს კიეზას სიტყვებს.

იტალიის ნაკრებმა ევრო 2024-ის გახსნის მატჩი ალბანეთის ნაკრებთან ანგარიშით 2:1 მოიგო. ევროპის ჩემპიონატების ისტორიაში ყველაზე სწრაფი გოლი 23-ე წამზე გაუშვა, თუმცა ალესანდრო ბასტონისა და ნიკოლო ბარელას გოლების წყალობით დაწინაურდა. მატჩის დარჩენილ 75 წუთში მეტოქეებმა იტალიელთა კარში დარტყმა ვეღარ მოახერხეს.