(NBA-ის, საქართველოში ამერიკის საელჩოსა და კალთბურთის ეროვნული ფედერაციის ერთობლივი ორგანიზებით, უკვე მერვედ ტარდება ჯუნიორ ნბა-ს ლიგა, რომელშიც მთელი ქვეყნის მასშტაბით 2024 წლის სეზონში 130მდე გუნდი დარეგისტრირდა.

წინა წელს, კალათბურთზე მოთხოვნილების გაზრდამ დღის წესრიგში დააყენა ჯუნიორ ნბა-ს ძირითად ტურნირში მონაწილეების გაზრდა. გამომდინარე იქიდან, რომ აღნიშნული ტურნირი ამერიკის ნაციონალური საკალათბურთო ასოციცაციის დუბლირებაა, მონაწილეების ან ფორმატის შეცვლა დაუშვებელია. ამიტომ, აქამდე არსებულ ჯუნიორ ნბა-ს A და B ლიგებს დაემატა C ლიგა. შესაბამისად, ჯუნიორ ნბა-ში მონაწილე გუნდების რაოდენობა 60-დან 90-ამდე გაიზარდა.

შეგახსენებთ, ჯუნიორ ნბა-ს ჩატარების ფორმატს. ლიგის თითოეული გუნდი ნაციონალური საკალათბურთო ასოციაციის თითო გუნდს წარმოადგენს. სწორედ გუნდებისთვის ნბა-ს გუნდების სახელების მინიჭებისთვის ჯუნიორ ნბა-ს წილისყრა, ეგრეთწოდებული დრაფტი გაიმართა, A ლიგის თამაშები დივიზიონების მიხედვით თბილისში, რუსთავში, გორში, გურჯაანში, ქუთაისსა და ბათუმში ჩატარდება, B ლიგისა და C თამაშებს კი მთლიანად დედაქალაქი უმასპინძლებს.

საქართველოში ყველაზე მასშტაბური ბავშვთა საკალათბურთო პროექტი – ჯუნიორ ნბა, გოგონათა და ვაჟთათვის კალათბურთის ლიგის გლობალური ახალგაზრდული პროგრამაა, რომელიც ხელს უწყობს ჯანსაღი ცხოვრების წესის დამკვიდრებას, კალათბურთის პოპულარიზაციას და პერსპექტიული ახალგაზრდების აღმოჩენას. ჯუნიორ ნბა-ს ლიგა მომავალ კალათბურთელებს, მწვრთნელებსა და მშობლებს შესაძლებლობას აძლევს გაიღრმავონ საკალათბურთო ცოდნა და გაიზიარონ კალათბურთის თამაშის მინიჭებული სიხარული.

წლევანდელი სეზონის ჯუნიორ ნბა-ს წილისყრა თბილისი არენაზე გაიმართა, სადაც ჯუნიორ ნბა-ში მონაწლე გუნდებს NBA-ს კლუბების სახელები მიენიჭათ და A, B და C ლიგების მონაწილე 1350-ივე კალათბურთელს NBA-გან სათამაშო ფორმები საჩუქრად გადაეცათ. პროექტის ფორმატის გათვალისწინებით მონაწილე სამივე ლიგაში მონაწილე გუნდები 6-6 დივიზიონში განაწილდენენ.

GBF.GE