თორნიკე შენგელიას „ვირტუს ბოლონია“ იტალიის სერია A-ს ფინალში დამარცხდა. ბოლონიელებმა „ოლიმპია მილანოსთან“ სერია 1:3 წააგეს და მეორე ადგილს დასჯერდნენ.

გადამწყვეტი მატჩი მილანელებმა საკუთარ მოედანზე საკმაოდ ადვილად, 85:73 მოიგეს. თორნიკეს არ წაუვიდა თამაში, 17 წუთში 4 ქულა, 3 მოხსნა და 2 პასი მიითვალა. ქართველმა კალათბურთელმა 6-დან 1 ორქულიანი და 2-დან 2 საჯარიმო ჩააგდო, ხოლო 2 სამქულიანი ააცილა.

შენგელიამ საკლუბო სეზონი დაასრულა და ახლა საქართველოს ნაკრებს შეუერთდება, რომელიც იტალიის ქალაქ ტრევიზოში ემზადება ოლიმპიადის საკვალიფიკაციო ეტაპისთვის.