შოტლანდიელმა ნახევარმცველმა ბილი გილმორმა ევროპის ჩემპიონატის ჯგუფური ეტაპის პირველი ტურის გერმანიის ნაკრებთან მატჩის მოლოდინი გაუზიარა ჟურნალისტებს. შეხვედრა ხვალ, 14 ივნისს გაიმართება მიუნხენის „ალიანს არენაზე“ და თბილისის დროით 23 საათზე დაიწყება.

„გვჭირდება, რომ ყველამ თავისი საუკეთესო მატჩი ითამაშოს. ვიცით, დიდი შეხვედრა იქნება, გერმანია ძალიან კარგი გუნდია. ამიტომ დაცვაში მაქსიმალურად სწორად უნდა ვიმოქმედოთ. კარგი ფეხბურთელებიც გვყავს. პარასკევს უნდა ვაჩვენოთ ჩვენი საუკეთესო დონე“, - ციტირებს გილმორის სიტყვებს უეფას ოფიციალური საიტი.

2024 წლის ევროპის ჩემპიონატი გერმანიაში 14 ივნისიდან 14 ივლისის ჩათვლით გაიმართება. A ჯგუფში ასევე ითამაშებენ უნგრეთი და შვეიცარია.