ფეხბურთი

11:45 | 9.06.2024 | ნანახია [] - ჯერ

"ნაპოლის" ყოფილი ფეხბურთელი: "ოსიმენთან ერთად კვარაცხელიაც უნდა გაყიდონ"

„ნაპოლის“ ყოფილმა ფეხბურთელმა სალვატორე არონიკამ განაცხადა, რომ კლუბმა ვიქტორ ოსიმენთან ერთად ხვიჩა კვარაცხელიაც უნდა გაყიდოს, მიღებული ფულით კი, გუნდი ანტონიო კონტეს იდეების შესაბამისად უნდა დააკომპლექტოს.

„კვარას მომავალს ამჟამად პსჟ-ში ვხედავ. 3-5-2 სქემაში ის შეიძლება იყოს მეორე თავდამსხმელი, 3-4-3-ში კი ფლანგზე. თუმცა, არ ვიცი, შემდეგ თუ 100 მილიონის შეთავაზება იქნება, წამსაც არ დავკარგავდი ფიქრში, რადგან ამ ფასად მისი გაყიდვა ოსიმენთან ერთად, „ნაპოლის“ საშუალებას მისცემდა აეშენებინა ახალი გუნდი, რომელიც კონტესთვის იდეალური იქნებოდა“, - თქვა არონიკამ.

შეგახსენებთ, რომ ხვიჩა კვარაცხელიას „ნაპოლისთან“ კონტრაქტი 2027 წლის ზაფხულამდე აკავშირებს. ცნობილია, რომ ქართველით პსჟ ინტერესდება, მაგრამ ბოლო ცნობებით, „ნაპოლი“ მის გაყიდვას არ აპირებს.

სარეკლამო ადგილი - 23
250 x 500
0.116564