„ნაპოლის“ მთავარმა მწვრთნელმა ანტონიო კონტემ განაცხადა, რომ ნეაპოლში მუშაობა საფეხბურთო და ცხოვრებისეული თვალსაზრისით ძალიან ლამაზი გამოცდილება იქნება.

„ნეაპოლზე ბევრი რამ მახსენდება: მსოფლიოში ერთ-ერთი საუკეთესო ქალაქია. ნეაპოლიტანელი ხალხი ვნებიანია, ვიცი, რომ მშვენიერი გამოცდილება იქნება, როგორც საფეხბურთო, ისე ცხოვრებისეული თვალსაზრისით. როდესაც აქ მუშაობის შანსი და პრივილეგია გაქვს, უნდა გამოიყენო.

„სტადიო მარადონასთან“ კარგი მოგონებები მაქვს: „ნაპოლი“ – „ლეჩეს“ მატჩში მარადონას მეურვე ვიყავი, 3:2 წავაგეთ, მაგრამ სერია A-ში პირველი გოლი გავიტანე და მარადონას მეურვე ვიყავი. ჩემთვის ეს დიდი ბედნიერება იყო.

ტიფოზებს და არა მარტო მათ, არამედ ნეაპოლიტანურ გარემოს ერთ რამეს ვეტყვი: მომწონს სირთულეები“, - თქვა კონტემ.

შეგახსენებთ, რომ ანტონიო კონტესა და „ნაპოლის“ შორის სამწლიანი კონტრაქტი გაფორმდა.