ფრანგული „ნიცას“ ახალი მთავარი მწვრთნელი ფრენკ ჰაიზე გახდა, სპორტული დირექტორი კი ფლორიან მორისი. ამის შესახებ კლუბის ოფიციალური საიტი იტყობინება.

53 წლის ასაკში ფრენკ ჰაიზე კლუბში „ლანსიდან“ გადავიდა, სადაც გუნდს ოთხ სეზონზე მეტი ხნის განმავლობაში ხელმძღვანელობდა და ლიგა 2-დან ჩემპიონთა ლიგაში გადაიყვანა. დაასახელეს ლიგა 1-ის წლის მწვრთნელად 2022/2023 სეზონში, რომელშიც კლუბმა მეორე ადგილი დაიკავა საფრანგეთის ჩემპიონატში", - ნათქვამია „ნიცას“ განცხადებაში.

„თანმიმდევრულმა მუშაობამ ხელი შეუწყო სატრანსფერო ფანჯრის პირველი მიზნის მიღწევას: სპორტული დირექტორისა და მწვრთნელის დანიშვნას, რომლებიც კომპეტენტური, შესანიშნავი ადამიანები არიან. მზად ვართ ერთად ვიმუშაოთ კლუბის წარმატებისთვის“, - განაცხადა „ნიცას“ პრეზიდენტმა ჟან-პიერ რივერმა.