„ნაპოლი“ ხვიჩა კვარაცხელიასთან კონტრაქტის განახლებაზე მუშაობს, მიუხედავად იმისა, რომ „პარი სენ-ჟერმენი“ დაინტერესებულია.

როგორც იტალიური მედია წერს, ნეაპოლელთა ახალი სპორტული დირექტორი ჯოვანი მანა საკითხზე უკვე მუშაობს და ხელფასის გაზრდას სთავაზობენ 23 წლის ქართველ ფეხბურთელს.

გავრცელებული ინფორმაციით, ნეაპოლელები მზად არიან ხვიჩას სეზონში 5.5 მილიონი ევრო გადაუხადონ კონტრაქტის განახლების სანაცვლოდ, რომელშიც გამოსასყიდი პუნქტი შეიძლება ჩაიდოს, რომლის საფასური 150 მილიონი ევრო იქნება.

შეგახსენებთ, რომ ხვიჩა კვარაცხელიამ „ნაპოლის“ მაისურით დღემდე 88 მატჩში 25 გოლი გაიტანა, ხოლო 21-ჯერ საგოლე პასი მიითვალა.