ყაზახეთის ჩემპიონატის მე-10 ტურში „კაირატმა“ ყარაგანდის „შახტიორი“ 4:2 დაამარცხა და ამ შეხვედრაში ორმა ქართველმა ფეხბურთელმა გოლი გაიტანა.

„კაირატი“ 2:0 დაწინაურდა, რასაც სტუმართა რიგებიდან იმედა აშორტიამ დუბლით უპასუხა და წონასწორობა აღადგინა. განსაკუთრებით ლამაზი იყო მისი პირველი გოლი, როცა შორეულ კუთხეში ზუსტად დაარტყა.

აშორტიას მიმდინარე სეზონის 9 შეხვედრაში 2 გოლი აქვს გატანილი. 73-ე წუთზე „კაირატის“ შემადგენლობაში მოედანზე გიორგი ზარია გამოჩნდა, რომელმაც ოთხი წუთის შემდეგ პენალტით გაიტანა და ანგარიში 3:2 გახადა. ზარიას აქტივში 10 მატჩში 2 გოლია.

„კაირატი“ 18 ქულით მეორე ადგილზეა, „შახტიორი“ კი 7 ქულით მე-12 საფეხურზეა.