ინგლისის პრემიერლიგაში „საუთჰემპტონი“ დაბრუნდა, რომელმაც ჩემპიონშიფის პლეი-ოფის ფინალში „ლიდს იუნაიტედი“ „უემბლიზე“ 1:0 დაამარცხა.

24-ე წუთზე ადამ არმსტრონგმა გაიტანა გამარჯვების გოლი და დარჩენილ დროში არაფერი შეცვლილა. ამრიგად, ჩემპიონშიფიდან პრემიერლიგაში „ლესტერის“ და „იფსვიჩის“ შემდეგ „საუთჰემპტონიც“ დაბრუნდა, რომელიც ელიტას ერთწლიანი პაუზის შემდეგ დაუბრუნდა.

„ლიდს იუნაიტედს“ კი, დიდი ამბიციების მიუხედავად, მომდევნო სეზონშიც ჩემპიონშიფში თამაში მოუწევს.