ანტონიო კონტე „ნაპოლის“ მთავარი მწვრთნელი გახდება. მხარეებს შორის შეთანხმება პრაქტიკულად მიღწეულია და უახლოეს დღეებში ინფორმაცია ოფიციალურად დადასტურდება.

ცნობილია კონტრაქტის დეტალებიც, რომელიც 2027 წლის ზაფხულამდე გაფორმდება. კონტეს ხელფასი სეზონში 6.5 მილიონი ევრო და პლუს ბონუსები იქნება.

ფაბრიციო რომანოს ცნობით, ანტონიო შესაბამისად შეთავაზებას ელოდა და მიიჩნევს, რომ „ნაპოლი“ სწორედ ასეთია. იტალიელს განსაკუთრებით მოსწონს ნეაპოლელების სიყვარული ფეხბურთისადმი და ხიბლავს ეს დამოკიდებულება. ასევე, მისთვის მიმზიდველია ის გარემოება, რომ გუნდი თავიდან ააშენოს, რაც მას როგორც წესი, კარგად გამოსდის.

ასე რომ, თუ ბოლო მომენტში არაფერი გაუთვალისწინებელი არ მოხდა, მომდევნო სეზონში ხვიჩა კვარაცხელია ანტონიო კონტეს ხელმძღვანელობით ითამაშებს.

კონტეს „არეცოში“, „ბარიში“, „ატალანტაში“, „სიენაში“, „იუვენტუსში“, იტალიის ნაკრებში, „ჩელსიში“, „ინტერსა“ და „ტოტენჰემში“ მუშაობის გამოცდილება აქვს.