„რომას“ შემტევმა, რომელუ ლუკაკუმ, რომელიც „ჩელსიდან“ იჯარით არის გაფორმებული, შესაძლოა „ნაპოლის“ ფორვარდი ვიქტორ ოსიმენი შეცვალოს, თუ იტალიელი სპეციალისტი ანტონიო კონტე ნეაპოლიტანურ კლუბს გაწვრთნის. ამის შესახებ ჟურნალისტმა ნიკოლო სკირამ სოციალურ ქსელ X-ზე (ყოფილი ტვიტერი) დაწერა.

შეგახსენებთ, დღეს, 25 მაისს, ცნობილი გახდა, რომ 54 წლის მწვრთნელი დათანხმდა ხელფასის ნაწილის შემცირებას, რათა „ნაპოლიში" დასაქმდეს.

წყაროს ცნობით, ლუკაკუს მისვლა იმ კლუბში, სადაც კონტე პოტენციურად იმუშავებს, ძალიან სავარაუდოა, რადგან ისინი თბილ ურთიერთობას ინარჩუნებენ „ინტერში“ ყოფნის შემდეგ. გარდა ამისა, „ჩელსის“ გეგმებში არ შედის 31 წლის ფეხბურთელის დაბრუნება, რომლის კონტრაქტი 2026 წლის ზაფხულამდეა გათვლილი.

მიმდინარე სეზონში ბელგიელმა თავდამსხმელმა ყველა ტურნირზე 47 მატჩში მიიღო მონაწილეობა, რომელებშიც 21 ბურთი გაიტანა და ოთხი საგოლე გადაცემა შეასრულა.