იტალიის სერია A-ში 2023-2024 წლების სეზონის საუკეთესო ფეხბურთელებს ავლენენ. თუმცა, ხვიჩა კვარაცხელია ნომინანტებში არაა.

თითოეულ პოზიციაზე გამოვლინდება სეზონის საუკეთესო ფეხბურთელი, ქართველი კი, არც ნახევარმცველთა და არც თავდამსხმელთა სამეულშია.

სერია A-ში პოზიციების მიხედვით საუკეთესო სამეულები ასეთია, რომელიც უშუალოდ სერია A-მ დაასახელა:

ტოპ 3 მეკარე: მარკო კარნეზეკი (ატალანტა), მიკელე დი გრეგორიო (მონცა), ვოიცეხ შჩესნი (იუვენტუსი)

ტოპ 3 მცველი: ალესანდრო ბასტონი (ინტერი), გლეისონ ბრემერი (იუვენტუსი), რიკარდო კალაფიორი (ბოლონია)

ტოპ 3 ნახევარმცველი: ჰაკან ჩალჰანოღლუ (ინტერი), ტეუნ კუპმაინერსი (ატალანტა), კრისტიან პულიშიჩი (მილანი)

ტოპ 3 თავდამსხმელი: პაულო დიბალა (რომა), რაფაელ ლეაო (მილანი), დუშან ვლაჰოვიჩი (იუვენტუსი)

23-წლამდე ტოპ 3 ფეხბურთელი: რაულ ბელანოვა (ტორინო), მატიას სულე (ფროზინონე), ჯოშუა ზირკზე (ბოლონია)

აღსანიშნავია, რომ ნომინანტებში არც ლაუტარო მარტინესია დასახელებული, მაგრამ ეს იმიტომ, რომ ის უდიდესი ალბათობით, სეზონის საუკეთესო ფეხბურთელი გახდება, თავდამსხმელის პრიზს კი, სხვა მიიღებს (დასახელებული სამეულიდან ერთ-ერთი).

შეგახსენებთ, რომ სერია A-მ გასულ სეზონში საუკეთესო ფეხბურთელად ხვიჩა კვარაცხელია დაასახელა. მიმდინარე სეზონში ხვიჩამ სერია A-ში 33 ჩატარებულ შეხვედრაში 11 გოლი გაიტანა და 6 საგოლე პასი მიითვალა.