„ალ-იტიჰადის“ თავდამსხმელს კარიმ ბენზემას კლუბის დატოვება საუდის არაბეთის ჩემპიონატის დაბალი დონის გამო სურს, იუწყება Relevo.

წყაროს ცნობით, ლიგის იმიჯის დაკარგვის თავიდან ასაცილებლად, 36 წლის ფრანგს შესაძლოა ძლიერ გუნდში გადასვლა შესთავაზონ. აღნიშნულია, რომ ბენზემას სხვა საუდურ კლუბში გადასვლა მხოლოდ იმ შემთხვევაში გახდება შესაძლებელი, თუ ჩემპიონატში სხვა ვარსკვლავი გამოჩნდება.

ფორვარდი ამჟამად ტრავმას იშუშებს. მიმდინარე სეზონში მის ანგარიშზე 13 გოლი და 8 საგოლე გადაცემაა 29 მატჩში.

„ალ-იტიჰადი" საუდის არაბეთის ჩემპიონატის სატურნირო ცხრილში 51 ქულით მე-5 ადგილზეა.