„ფიორენტინას“ მთავარმა მწვრთნელმა ვინჩენცო იტალიანომ ისაუბრა იმ ინფორმაციაზე, რომლის თანახმადაც „ნაპოლის“ პრეზიდენტი აურელიო დე ლაურენტისი ნეაპოლიტანური გუნდის მთავარი მწვრთნელის პოსტზე მის მიწვევას განიხილავს.

„გასულ ზაფხულს მან (დე ლაურენტისმა) დაურეკა კლუბს თუმცა ჩემთან დაკავშირების საშუალება არ მიეცა, ამიტომ უკან დაიხია. ის ჯენტლმენივით იქცეოდა. მაშინაც დიდ პატივს ვცემდი მას და რაც ამის შესახებ გავიგე ეს პატივისცემა უფრო გაიზარდა“, - ციტირებს იტალიანოს სიტყვებს NapoliToday.

მიმდინარე სეზონში „ნაპოლიმ“ სამი მთავარი მწვრთნელი გამოიცვალა. რუდი გარსია გუნდთან ერთად სეზონის დასაწყისში მუშაობდა, მაგრამ 2023 წლის ნოემბერში გაათავისუფლეს. შემდეგ ის შეცვალა ვალტერ მაცარიმ, რომელმაც ასევე ვერ დაასრულა დარჩენილი სეზონი და 2024 წლის თებერვალში გაათავისუფლეს. გუნდს ახლა ფრანჩესკო კალცონა თავკაცობს.

იტალიანო „ფიორენტინას“ 2021 წლის ზაფხულიდან ხელმძღვანელობს.