საქართველოს ეროვნული ლიგის მე-14 ტურში „თელავმა“ ფოთის „კოლხეთს“ უმასპინძლა და გუნდებმა ქულები გაიყვეს.

ორი გოლი გავიდა, ორივე მატჩის დასაწყისში: ანგარიში მე-15 წუთზე თორნიკე ახვლედიანმა გახსნა, რასაც ძალიან სწრაფად, ხუთ წუთში გიორგი აბუაშვილმა უპასუხა, რომელიც შესანიშნავ ფორმაში შევიდა.

დარჩენილ დროში გუნდების მცდელობის მიუხედავად, ანგარიში არ შეცვლილა და გუნდებმა ქულები გაიყვეს - 1:1. აღსანიშნავია, რომ „კოლხეთში“ კახა ჩხეტიანის დებიუტი შედგა.

„კოლხეთი“ 15 ქულით მეექვსე ადგილზეა, მომდევნო ტურში კი, ქუთაისის „ტორპედოს“ ეთამაშება, ხოლო „თელავს“ ორი ქულით ნაკლები აქვს, მეშვიდე პოზიციაზეა და შემდეგ შეხვედრას „გაგრასთან“ გამართავს.