თავისუფალ ჭიდაობაში ვლადიმერ გამყრელიძემ პარიზის ოლიმპიადის ლიცენზია მოიპოვა.

86 კგ წონით კატეგორიაში მან გუშინ ნახევარფინალამდე მისვლა შეძლო, სადაც მარცხი განიცადა, მაგრამ დღეს ჯერ რეპეშაჟში აჯობა მოლდოველ გეორგი რუბაევს (9:2), ხოლო შემდეგ გადამწყვეტ შეხვედრაში უკრაინელი ვასილ მიხაილოვიც დაამარცხა (8:2) და ლიცენზიას დაეუფლა.

თავისუფალ ჭიდაობაში საქართველომ 6 წონიდან ოთხში აქვს ლიცენზია და პარიზის ოლიმპიადაზე გოდერძი ძებისაშვილი (65 კგ), ვლადიმერ გამყრელიძე (86 კგ), გივი მაჭარაშვილი (97 კგ) და გენო პეტრიაშვილი (125 კგ) იასპარეზებენ.

აქვე გეტყვით, რომ ბერძნულ-რომაულ ჭიდაობაში საქართველოს 6 წონიდან ორში ეყოლება წარმომადგენელი.