„ნაპოლიმ“ ევროპა ლიგაზე გასვლის შანსიც დაკარგა, რადგან სერია A-ს 36-ე ტურში „ლაციომ“ „ემპოლი“ 2:0 დაამარცხა.
შედეგად, დარჩენილ ორ ტურში ნეაპოლელები მეშვიდეადგილოსან „ლაციოს“ ვეღარ დაეწევიან, რადგან ჩამორჩენა 8 ქულაა. ახლა, „აძურის“ მაქსიმუმი კონფერენს ლიგაზე გასვლა თუ იქნება, მაგრამ ამისთვის დარჩენილ ტურებში მძიმე ბრძოლა მოუწევთ.
შეგახსენებთ, რომ „ნაპოლი“ 51 ქულით მერვე ადგილზეა და მხოლოდ ქულით უსწრებს „ფიორენტინას“, რომელსაც ორი თამაშით ნაკლები აქვთ ჩატარებული და მომდევნო ტურში ფლორენციაში, სწორედ ეს გუნდები შეხვდებიან.
