„ნაპოლის“ ფანები გუნდის მიერ ნაჩვენები შედეგებიდან გამომდინარე ფეხბურთელებზე ძალიან გაბრაზებული არიან.

ისინი დიდი ხანია პროტესტს მიმართავენ და კლუბს ჩვეულ რეჟიმში არ ქომაგობენ, ხოლო „ბოლონიასთან“ მატჩის შემდეგ ფეხბურთელებს მოუწოდეს, რომ ამიერიდან მაისურის გარეშე ითამაშონ.

„მაისურის გარეშე ითამაშეთ“ - ისმოდა შეძახილები „სტადიო მარადონას“ ტრიბუნებიდან. ბუნებრივია, ისინი გულისხმობდნენ, რომ ფეხბურთელები „ნაპოლის“ სახელს არცხვენენ და უმჯობესი იქნება, თუ „ნაპოლის“ მაისურის გარეშე ითამაშებენ.

შეგახსენებთ, რომ „ნაპოლი“ 51 ქულით მხოლოდ მერვე ადგილზეა და სეზონის დასრულებამდე მხოლოდ ორი ტური დარჩა.