სტამბოლში მიმდინარე პარიზის ოლიმპიური თამაშების ლიცენზიის ტურნირზე ლაშა გობაძეს მიზნამდე ერთი ნაბიჯი დააკლდა.
87 კგ წონით კატეგორიაში გობაძემ რეპეშაჟის შეხვედრაში იმარჯვა, შემდეგ კი, გადამწყვეტი ბრძოლა პოლონელ არკადიუშ კულინიჩთან მოუწია.
გობაძე 2:0 დაწინაურდა, მაგრამ შემდეგ უპირატესობა ვერ შეინარჩუნა და 2:3 დამარცხდა. დღესვე ლიცენზიის გარეშე დარჩა იური ლომაძეც.
ბერძნულ-რომაულ ჭიდაობაში პარიზის ოლიმპიადაზე შეჯიბრი 6 წონით კატეგორიაში გაიმართება, საქართველოს კი წარმომადგენლები მხოლოდ ორ წონაში ეყოლება: 97 კგ წონით კატეგორიაში რობერტ კობლიაშვილი, ხოლო 67 კგ წონით კატეგორიაში რამაზ ზოიძე.
