ლონდონის „ვესტ ჰემის“ მთავარ მწვრთნელად ხულენ ლოპეტეგი დაინიშნება. ინფორმაციას ფაბრიციო რომანო ავრცელებს.
ცნობილი ჟურნალისტის ინფორმაციით, მხოლოდ ოფიციალური განცხადება აკლია ამ ინფორმაციის დადასტურებას. ესპანელი სპეციალისტი დევიდ მოიესს შეცვლის.
ლოპეტეგი აქამდე „მილანის“ მწვრთნელად განიხილებოდა და თითქოს, ყველაფერი გადაწყვეტილიც იყო, მაგრამ იტალიური კლუბის ფანების პროტესტის გამო ხელმძღვანელობას ლოპეტეგზე უარის თქმა მოუწია.
ამრიგად, გამოცდილი სპეციალისტი ისევ პრემიერლიგაში იმუშავებს, სადაც „ვულვზში“ მუშაობის გამოცდილება აქვს.
