საქართველოს ნაკრებისა და „კარლსრუეს“ თავდამსხმელი ბუდუ ზივზივაძე თურქული „ტრაბზონსპორის“ თვალთახედვის არეში მოხვდა.

როგორც ადგილობრივი მედია წერს, თურქები მომდევნო სეზონისთვის ფორვარდს ეძებენ და სიაში 30 წლის ქართველიცაა, რომელსაც „კარლსრუესთან“ კონტრაქტი 2025 წლის ზაფხულში ეწურება.

ჯერჯერობით, სხვა დეტალები უცნობია, არც ის, თუ რა თანხის გაღებას არიან ყაბულს ტრაბზონელები შეთავაზების შემთხვევაში.

ბუდუ ზივზივაძემ მიმდინარე სეზონში გერმანიის II ბუნდესლიგაში 24 მატჩში 10 გოლი გაიტანა, ხოლო საქართველოს ნაკრებში 25 შეხვედრაში 7 გოლი აქვს გატანილი.