მადრიდის „რეალის" ნახევარმცველმა ჯუდ ბელინგემმა ფეხბურთში თავის მიზნებზე ისაუბრა. მან აღიარა, რომ წარმატება მისთვის ტიტულების მოგება იქნებოდა.

20 წლის ფეხბურთელმა მადრიდის რეალთან ერთად ესპანეთის სუპერთასი უკვე მოიგო.

„შესაძლებლობა, მივცე ჩემს ქვეყანას და ჩემს კლუბს მშვენიერი გამოცდილება და შესანიშნავი მოგონებები ტიტულების მოგებით, ჩემი ოცნებაა", - ციტირებს ფეხბურთელის სიტყვებს Madrid Xtra.

ბელინგემმა მიმდინარე სეზონში ყველა ტურნირზე მადრიდის „რეალის" მაისურით 31 მატჩში 20 ბურთი გაიტანა და 9 საგოლე გადაცემა შეასრულა.