კვიპროსის ნაკრებმა ამხანაგური მატჩი სერბეთის წინააღმდეგ ჩაატარა და დაძაბულ ბრძოლაში 0:1 წააგო.
შეხვედრის შემდეგ კვიპროსელთა მთავარმა მწვრთნელმა თემურ ქეცბაიამ კომენტარი გააკეთა.
„თამაში შეშინებულებმა დავიწყეთ, სერბეთის ნაკრებთან დაპირისპირება ადვილი არ არის. გოლი ჩვენი შეცდომის გამო გავუშვით. არ მინდა ხალხის მოტყუება, ჩვენ არ ვართ დიდი პოტენციალის მქონე ნაკრები“, - თქვა ქეცბაიამ.
აქვე გეტყვით, რომ სერბეთმა კვიპროსი სერგეი მილინკოვიჩ-სავიჩის გოლით დაამარცხა.
