შვედმა მწვრთნელმა სვენ-გორან ერიქსონმა დღეს, 23 მარტს, ამსტერდამის „აიაქსის“ ყოფილ ვარსკვლავებთან მატჩში „ლივერპულის“ ლეგენდების გუნდს უხელმძღვანელა. შეხვედრა „ენფილდზე“ გაიმართა და „ლივერპულის“ გამარჯვეbით 4:2 დასრულდა, არადა თავიდან ნიდერლადული კლუბი იგებდა 0:2-ს - წერს Daily Mail.

შეგახსენებთ, რომ იანვარში „წითლების“ გულშემატკივრებმა წამოიწყეს კამპანია მერსისაიდელთა ლეგენდების მწვრთნელად სვენ-გორან ერიქსონის დანიშვნის მოთხოვნით, რომელიც მანამდე აცხადებდა, რომ ყოველთვის მხარს უჭერდა „ლივერპულს“ და სურდა ამ გუნდის მწვრთნელი ყოფილიყო.

წლეულს იანვარში შვედმა სპეციალისტმა განაცხადა, რომ მას კიბოს დიაგნოზი დაუსვეს. და საუკეთესო შემთხვევაში სიცოცხლის ერთი წელი აქვს დარჩენილი. ერიქსონი 76 წლისაა. შვედი ინგლისის ეროვნულ გუნდს 2001-დან 2006 წლამდე წვრთნიდა. ის ასევე მუშაობდა „ბენფიკაში,“ „რომაში“, „სამპდორიასა“ და „ლაციოში.“