NBA-ში გოგა ბითაძის „ორლანდო მეჯიქმა“ საკუთარ მოედანზე „შარლოტ ჰორნეტსი“ ადვილად, 20-ქულიანი უპირატესობით 112:92 დაამარცხა.

ბოლო დროს ქართველ კალათბურთელს თამაშის შესაძლებლობა იშვიათად ეძლევა, თუმცა, ამჯერად 9 წუთი დაუთმეს. ხსენებულ დროში ბითაძემ 6 ქულა, 3 მოხსნა, 2 პასი და 1 დაფარება მიითვალა. გოგამ 4-დან 3 ორქულიანი ჩააგდო, 1 სამქულიანი კი ააცილა.

„ორლანდო“ აღმოსავლეთ კონფერენციაში 41 მოგებით და 28 წაგებით მეხუთე ადგილზეა, მომდევნო შეხვედრას კი 22 მარტს, შინ „ნიუ ორლეანთან“ ჩაატარებს.