ფრანჩესკო ტოტიმ განაცხადა, რომ „რომაში“ არასდროს დაბრუნდება. ასე უპასუხა მან იტალიურ მედიას შეკითხვაზე, დაბრუნდება თუ არა, „რომაში“.
„მაქვს ინფორმაცია და ვიცი, რომ „რომაში“ არაბული ხელმძღვანელობა არ მოვა. თუ დავბრუნდები „რომაში“? არა, აღარასოდეს. აღარ დავბრუნდები“, - თქვა ტოტიმ.
შეგახსენებთ, რომ ფრანჩესკო ტოტი „რომაში“ 1992-2017 წლებში თამაშობდა, შემდეგ კლუბის მენეჯმენტშიც იყო დასაქმებული, მაგრამ კლუბიდან წასვლა მოუწია და მას შემდეგ ფეხბურთში აღარ მუშაობს.
