რომის „ლაციოს“ მთავარ მწვრთნელად იგორ ტუდორი დაინიშნება. იტალიური მედიის ცნობით, მხარეებს შორის შეთანხმება შედგა.

ხორვატი „ლაციოსთან“ 2025 წლამდე გააფორმებს კონტრაქტს კიდევ ერთი წლით გახანგრძლივების ვარიანტით. „ლაციოს“ „ფროზინონესთან“ უახლოეს შეხვედრაში ჯოვანი მარტუშიელო უხელმძღვანელებს, ტუდორი კი, მუშაობას მომდევნო კვირიდან შეუდგება.

იგორ ტუდორი ბოლოს „მარსელში“ მუშაობდა, მანამდე კი სპლიტის „ჰაიდუკის“, „პაოკის“, „კარაბუკსპორის“, „გალათასარაის“, „უდინეზეს“ და „ვერონას“ მწვრთნელი იყო, ხოლო ერთი სეზონი „იუვენტუსში“ გაატარა ანდრეა პირლოს ასისტენტის როლში.

შეგახსენებთ, რომ „ლაციო“ ცოტა ხნის წინ მაურიციო სარიმ დატოვა.