„ტორინოს“ ცენტრალური მცველი კოფი ჯიჯი გამოაკლდა, რომელმაც მყესის ტრავმა „ნაპოლისთან“ ბოლო მატჩში მიიღო.
კოტ დივუარელი ფეხბურთელი დაახლოებით 40-50 დღე იუქმებს, რაც იმას ნიშნავს, რომ მოედანზე აპრილის ბოლოს დაბრუნდება. ეს შანსია საბა საზონოვისთვის, რომელმაც კოფი ჯიჯი „ნაპოლისთან“ შეხვედრაში შეცვალა.
„ტოროს“ დაცვაში პერ სხურსი და მატეო ლოვატოც ჰყავს ტრავმირებული, შესაბამისად, ივან იურიჩს დიდი არჩევანი არ აქვს - კოფი ჯიჯის პოზიციაზეა (მარჯვენა ცენტრალური მცველი) საზონოვს უნდა ენდოს. მეორე ვარიანტია ნახევარმცველის, მერგიმ ვოივოდას უკან დახევა და დაცვაში გამწესება. სხვათა შორის, ამ ხერხს ხორვატი სპეციალისტი ადრიან ტამეზის შემთხვევაში მიმართავდა, მაგრამ მასაც ტრავმა აქვს.
შეგახსენებთ, რომ საბა საზონოვმა სერია A-ს მიმდინარე სეზონში 11 მატჩი ჩაატარა, თუმცა მხოლოდ ორჯერ იყო ძირითად შემადგენლობაში. „ტორინო“ უახლოეს ტურში „უდინეზეს“ დაუპირისპირდება.
