ესპანეთის ლიგა ენდესას 24-ე ტურში გიორგი შერმადინის „ლენოვო ტენერიფე“ მადრიდის „რეალს“ ესტუმრა და ძალიან დაძაბულ ბრძოლაში 78:80 დამარცხდა.

კანარიელები ახლოს იყვნენ მოგებასთან, მაგრამ ბოლო წამებზე 3 ქულა მიიღეს და მარცხი განიცადეს.

გიორგი შერმადინმა ამ შეხვედრაში 14 წუთი ითამაშა, ხსენებულ დროში კი 3 ქულა და 2 მოხსნა მიითვალა. ქართველმა ცენტრმა 2-დან 1 ორქულიანი და 1-დან 1 საჯარიმო ჩააგდო.

„ლენოვო ტენერიფე“ ლიგა ენდესაში 14 მოგებით და 10 წაგებით მეშვიდე ადგილზეა, მომდევნო ტურში კი 16 მარტს, „ანდორას“ ესტუმრება.