აზერბაიჯანის ჩემპიონატის 26-ე ტურში „საბაჰმა“ „გაბალა“ 2:1 დაამარცხა, ორი გოლი კი დავით ვოლკოვის ანგარიშზეა.

ქართველმა ფორვარდმა მე-19 წუთზე თავური დარტყმით გაიტანა და ანგარიში გახსნა, ტაიმის ბოლოს კი თავით კიდევ ერთხელ დაარტყა ზუსტად და დუბლი გაიფორმა. „საბაჰი“ 37 ქულით მესამე ადგილზეა, ხოლო ვოლკოვს აზერბაიჯანის ჩემპიონატში ჩატარებულ 20 მატჩში 6 გოლი აქვს გატანილი.

„გაბალას“ კახა ცხადაძე წვრთნის, მაგრამ ეს გუნდი 15 ქულით ბოლო ადგილზეა და გავარდნასთან ძალიან ახლოსაა.