იტალიის სერია A-ს 27-ე ტურში „ტორინომ“ ფლორენციის „ფიორენტინას“ უმასპინძლა და უგოლოდ დაუზავდა.
ტურინელებმა 39-ე წუთზე გაიტანეს, მაგრამ დუვან საპატას გოლი ვიდეორეფერიმ გააუქმა. ტაიმის ბოლოს „ტორო“ რიჩის გაძევების გამო მოედანზე კაცნაკლული დარჩა და მეორე ნახევარში ქულა მაინც მოიპოვა.
საბა საზონოვი მოედანზე 87-ე წუთზე გამოჩნდა, როდესაც ტურინელები ანგარიშის შენარჩუნებას ცდილობდნენ. საბასთვის ეს იყო სერია A-ში მეათე მატჩი, თუმცა ძირითად შემადგენლობაში მხოლოდ ორჯერ იყო.
„ტორინოს“ 27 ტურის შემდეგ 37 ქულა აქვს და მეათე ადგილზეა, მომდევნო შეხვედრას კი 8 მარტს, სტუმრად „ნაპოლისთან“ ჩაატარებს.
