სერია A-ს 26-ე ტურში „ტორინო“ „რომას“ ესტუმრა და დაძაბულ ბრძოლაში 2:3 დამარცხდა, საბა საზონოვს კი თამაშის შესაძლებლობა მიეცა.
ქართველი ფეხბურთელი მოედანზე მე-14 წუთზე მატეო ლოვატოს ნაცვლად შევიდა, რომელმაც ტრავმა მიიღო. საბამ 42-ე წუთზე პენალტი „აიკიდა“, როდესაც საჯარიმოში სერდარ აზმუნი წააქცია, პენალტი კი პაულო დიბალამ გოლად აქცია.
ტურინელებმა ორ წუთში დუვან საპატას გოლით გაათანაბრეს, მაგრამ მეორე ნახევარში მასპინძელთა რიგებში დიბალა შეუჩერებელი იყო, რომელმაც გოლს დუბლი დაამატა და ჰეთ-თრიქი გაიფორმა. ბოლოსკენ დენ ჰიუსენის და ავტოგოლით საბოლოო შედეგი დაფიქსირდა.
საბა საზონოვმა მიმდინარე სეზონში მეცხრედ ითამაშა, მაგრამ ძირითად შემადგენლობაში მხოლოდ ორჯერ იყო. „ტორინო“ 36 ქულით მეათეა და მომდევნო ტურში 2 მარტს, „ფიორენტინას“ ეთამაშება.
