უეფას შტაბ-ბინაში კონფერენს ლიგის მერვედფინალური ეტაპის წილისყრა გაიმართა. შედეგადაც 16 გუნდი პლეი-ოფის მეორე სტადიაზე დაწყვილდა.

ჯგუფური ეტაპიდან მერვედფინალში 8 გუნდი პირდაპირ გავიდა, ხოლო მათ კიდევ 8 გუნდი დაემატა, რომლებმაც 1/16-ფინალური ეტაპი გადალახეს.

ოთარ კიტეიშვილის "შტურმი" ფრანგულ "ლილს" დაუპირისპირდება, მერვედფინალური ეტაპის ყველაზე საინტერესო დუელი კი "აიაქსსა" და "ასტონ ვილას" შორის უნდა გაიმართოს.

კონფერენს ლიგის მერვედფინალური წყვილები ასეთია:

"სერვეტი" (შვეიცარია) - "პლზენი" (ჩეხეთი)

"აიაქსი" (ნიდერლანდები) - "ასტონ ვილა" (ინგლისი)

"მიოლდე" (ნორვეგია) - "ბრიუგე" (ბელგია)

"უნიონ სენ-ჟილი" (ბელგია) - "ფენერბაჰჩე" (თურქეთი)

"დინამო ზაგრები" (ხორვატია) - "პაოკ" (საბერძნეთი)

"შტურმი" (ავსტრია) - "ლილი" (საფრანგეთი)

"მაკაბი ჰაიფა" (ისრაელი) - "ფიორენტინა" (იტალია)

"ოლიმპიაკოსი" (საბერძნეთი) - "მაკაბი თელ ავივი" (ისრაელი)

კონფერენს ლიგის მერვედფინალური ეტაპის პირველი მატჩები 7 მარტს, საპასუხო შეხვედრები კი 14 მარტს გაიმართება.