უეფას შტაბ-ბინაში ევროპა ლიგის მერვედფინალური ეტაპის წილისყრა გაიმართა. შედეგადაც 16 გუნდი პლეი-ოფის მეორე სტადიაზე დაწყვილდა.

ჯგუფური ეტაპიდან მერვედფინალში 8 გუნდი პირდაპირ გავიდა, ხოლო მათ კიდევ 8 გუნდი დაემატა, რომლებმაც 1/16-ფინალური ეტაპი გადალახეს.

8 წყვილიდან სამში ფავორიტი ძალიან გამოკვეთილია, რადგან "ლივერპული" "სპარტას", "მილანი" "სლავიას" და "ლევერკუზენი" "ყარაბაღს" შეხვდება. წესითა და რიგით, ტურნირის მთავარ ფავორიტებს მეოთხედფინალში გასვლა არ გაუჭირდებათ.

ევროპა ლიგის მერვედფინალური წყვილები ასეთია:

"სპარტა" (ჩეხეთი) - "ლივერპული" (ინგლისი)

"მარსელი" (საფრანგეთი) - "ვილიარეალი" (ესპანეთი)

"რომა" (იტალია) - "ბრაიტონი" (ინგლისი)

"ბენფიკა" (პორტუგალია) - "რეინჯერსი" (შოტლანდია)

"ფრაიბურგი" (გერმანია) - "ვესტ ჰემი" (ინგლისი)

"სპორტინგი" (პორტუგალია) - "ატალანტა" (იტალია)

"მილანი" (იტალია) - "სლავია" (ჩეხეთი)

"ყარაბაღი" (აზერბაიჯანი) - "ლევერკუზენი" (გერმანია)

ევროპა ლიგის მერვედფინალური ეტაპის პირველი მატჩები 7 მარტს, საპასუხო შეხვედრები კი 14 მარტს გაიმართება.